भदौ २४ गतेको जेन जी विध्वंशमा सिंहदरबारमा आगजनी गरेको आरोपमा पक्राउ परेकाहरुलाई धमाधम उन्मुक्ति दिने प्रक्रिया अगाडि बढाइएको छ । तिनैमध्येका एक उदाहरण हुन – महेन्द्र गौतम,केही महिना अगाडि मात्र पक्राउ परेका गौतमलाई जिल्ला सरकारी वकिल कार्यालय काठमाडौंले उन्मुक्ति दिने निर्णय गरेको छ ।
बिज्ञापन
गौतम सिंहदरबार जलाएको आरोपमा पाँच महिनापछि अर्थात गत २२ माघमा पक्राउ परेका थिए । चितवन खैरहनी नगरपालिका(९ घर भई काठमाडौं महानगरपालिका २९ अनामनगरका बसोबास गर्दै आएका उनीमाथि आपराधिक उपद्रव कसुरमा जिल्ला अदालत काठमाडौंबाट म्याद थप समेत गरिएको थियो । जिल्ला सरकारी वकील कार्यालयले गौतमविरुद्ध मुद्दा चलाउनका लागि प्रमाण नपुगेकाले उक्त निर्णय भएको र सदरका लागि उच्च सरकारी वकील कार्यालय पठाएको हो ।
बिज्ञापन
महान्यायाधिवक्ता कार्यालयले भदौ २३ र २४ गतेको घटनामा संलग्न प्रायः सबैलाई धमाधम हाजिरी जमानीमा छोडिसकेको छ । जसमा सर्वोच्च जलाउन उक्साउनेदेखि प्रहरीको हतियार लुट्नेसम्म छन् । सर्वोच्च जलाउन भीड उक्साउने बारा स्थायी ठेगाना भई अनामनगर बस्ने विष्णु ढुंगेल हाजिरी जमानीमा छुट्ने मुख्य पात्र हुन् । ल क्याम्पसका पूर्वस्ववियु सभापति उनले सर्वोच्च जलाउन उक्साएको भिडियो सार्वजनिक भएको थियो । २९ वर्षीय उनलाई प्रहरीले चितवनबाट पक्रेर काठमाडौँ ल्याई अनुसन्धान ग¥यो । उनी सरकारी वकिल कार्यालयबाट छुटेसँगै प्रहरीको मिहिनेत ‘बालुवामा पानी’ भएको छ । यता, ‘सर्वोच्च अदालत र सिंहदरबार हामीले जलायौं’ भन्ने ज्योति थापा घताने पनि छुटेका छन् । झापाको भद्रपुर नगरपालिका–१ घर भई काठमाडौंको कलंकी बस्ने उनलाई पनि त्यत्तिकै रिहा गरिएको हो ।
सर्वोच्च अदालत परिसरमा हतियार प्रदर्शन गर्ने र अदालतको कुर्सी चोर्ने व्यक्ति पनि रिहा भइ सकेका छन् ।जस्तै काभ्रेपलाञ्चोकको मण्डनदेउपुर नगरपालिका–९, राम्चे घर भएका एलेक्स भन्ने कुमार पराजुली लुटपाट र हातहतियार प्रदर्शनीको अभियोगमा समातिएका थिए । उनलाई पनि महान्यायाधिवक्ताको कार्यालयअन्तर्गत सरकारी वकिले हाजिर जमानीमा छोडेकी छन् । यस्तै,सर्वोच्च अदालत परिसरमा खटिएका प्रहरीको हतियार लुट्ने सुशील श्रेष्ठ उर्फ ब्राउन पनि छुटेका छन् । गौतमझैँ आगजनी, तोडफोड र लुटपाटमा संलग्न अन्य आधा दर्जनलाई उन्मुक्ति दिन लागिएको स्रोतको दावी छ ।
बिज्ञापन
